Lam cat的部落格

今日睇番我個blog先發現原來我已經成個月無打嘢..今日諗住upload d相片la..點知佢又唔俾我upload..話我過咗上限.  有冇搞錯ar..我已經兩個月冇upload la.. 竟然都咁講.. 之前幾次都係咁..激死人la. 我連坊間好多人用過成功咗ge方法試過都係唔得.. 究竟點算好ar...有冇人可以救我ar...
 
好慘呀...原本成個月前經已約好一大班舊cell員要去stanley屋企玩, 並且打算同人慶祝生日.. 但我只係記得係10月ge某一個ge星期六..我以為係上個禮拜六.. 於是乎星期五就打咗去俾一個同我一樣咁清醒ge傻婆度去問清楚係唔係星期六去... 好搞笑係..原來我搞錯咗, 佢話應該係下個禮拜ge 星期日.....吓...星期日?  我明明記得係星期六ga? 我唔通一開始就記錯?  我個好姊妹仲好firm咁同我講: " 係ar..返完cell之後去咁話....
 
13號ge下午...就出事la... vani 打俾我問我記唔記得今日!!!!  oh..no..我個心已經沈晒...乜真係今日咩?? 我原先打算sunday可以見到舊cell員ge興奮心情已經變成無奈...我已經約咗人la...唔可以放飛機la... 就咁樣...好難得ge約會就無得去la.. 好可惜!! 
 
你哋記得send番d相俾我睇呀!!
 
 

(繼續閱讀...)

Lam cat 發表在 痞客邦 留言(0) 人氣()

Lam cat 發表在 痞客邦 留言(0) 人氣()

早前聽朋友說起, 原來歌手鄧麗欣也是喜歡尼采之人, 並且最喜歡<<上帝之死>>這本書.. 便憶起我一些回憶.  曾經我也是喜歡尼采的, 在未信主前探討信仰這過程中, 我看了一些有關科學,佛學及有關基督教的書. 
前兩項已一早被撇除了, 原因太多, 不能盡錄. 剩下令我最有與趣的反而是基督教這信仰. 探討這些問題當然離不開要看哲學書 la.. 從斯賓諾沙..(實在非常欣賞他用數學中的假設撇除法去探討上帝的存在, 非常理性並客觀), 柏拉圖的 表像與真實世界和我小時的思想很接近, 不過未看他的著作前, 一路以為烏托邦只是存在於想像世界中的 理想國,  但原來是柏拉圖有一次去旅行時經過, 但再也找不著的一個神秘地方. 他形容那地方像一個天 堂..現今有些人疑說是"阿特蘭提斯"這片消失的陸地, 這就實在不得而知了, 而他的理型世界也就用"烏托邦"這個名來形容.  而柏拉圖式的愛情正是我一路所嚮往的...但我想在這世界是很難存在的吧...
 
至到尼采(反基督的表表者), 最初被他狂人這名號吸引(最終病魔纏身, 真的瘋了..可惜), 並發現原來他在文學上的才華是高於哲學的, 他熱愛古希臘文學, 作詩. 並且年紀很小, 約10歲便已經懂作曲等等...
 
既然要探索, 當然要正反面也要看看, 然後自己思考分析判斷la, 哲學可不能是全單接受的書啊!  由非常出名的<<查拉圖斯特拉如是說>>這本哲學並帶有批判基督教意味的小說(他早前常用詩篇形式 - 原本是拉丁文)作開始, 老實說, 他的文筆真的非常鋒利並且很有熱情及爆炸力, 實在令人深深拜服.  但在哲學方面實在看得出他那種自負(當時我是欣賞的), 當然仍有很多可取的地方. 雖然有很多的不認同, 但卻更想了解這個人的思想與心路.  如是者便開始看<<瞧!這個人>>這本自傳式的書..**這書名是取自聖經中一個場景, 是一班法利賽人??(不太記得了)見耶穌出來時的一句說話** (看這人等多麼的自負!!)  之後便是<<悲劇的誕生>>就是形容基督教的開始, 便是悲劇的誕生.. 繼而就是<<上帝之死>>這一書了.. 不過我記得這本書我只是看到一半的,  當中除了因為中間要看尼采的啟蒙老師, 他所欣賞的哲學家.. 有叔本華(極度鄙視女人的男人, 我不太喜歡他!! 但不喜歡歸不喜歡, 有用的便應該看!!) 他所看過的笛卡兒...他有部很出名的<<我思故我在>>, 經常被人擺出來的一句, 卻又常被人用錯意思的.. p.s. 這句說話本身的"思"字是名詞而不是動詞ar.. 是指思想本身,(人們想找出一種能肯定自己存在的意義, 笛卡兒就提出這個哲學來肯定人的存在..就是思想本身這東西la..) 所以請不要再斷章取義la, 那些商家或政治家們!! 
杜思妥也夫斯基, 並卡夫卡的散文.. <<希臘神話>>我本身也是很喜愛的..(當中的酒神~~戴歐尼索斯 更是尼采非常喜愛的一個人物), 不過卻沒有衝動去看弗洛依德的著作, 只淺淺了解過他的生平及貢獻, 心理學的表表者嘛, 從來不喜歡讀人思想的感覺, 好像偷窺,很卑鄙!! (是受愛因斯坦的影響嗎?? 我想不是, 喜歡愛因斯坦及貝多芬只因發覺感覺與思想和我很相近!) 並且覺得人若有正確的信仰自然有健康的心境, 心理學到時便是多餘的了... 不過我還是會看的, 但會放到最後la. 
 
看過這些書之後, 我卻發現到要了解<<上帝之死>>這書, 最基本也要看完整本聖經嘛..並且猶太教的歷史, 若不是看完也等於白看, 於是便開始轉移到聖經之上(之前也有看過, 卻不很專注的.. 並且嘗試返教會, 因為我發覺無論看完多少書.. 都不能找到我想要的答案, 因為每一樣論說, 都有反這論說的文章.. 進化論如是, 是大騙局.. 但卻仍然不時有一些理據作反駁..之後又有碳14的漏洞..無止盡的, 哲學上又不可以給我完美的答案, 因為哲學盡其量只能幫助人思考及參考別人的思想, 而每個人的思想卻又會因童年或成長的經歷而有所偏差及影響.. 那麼又怎能從別人口中找到真理??  信仰並不是數學題, 能用公式運算出來的呀!!  想到這裡..我便知道無論看多少書也好, 我永遠不能在書本中找到答案..信仰是要靠放開自己, 用心去感受出來的, 如果用理性的角度去思考, 就不會是信仰的了..而且也不會選基督教這個極度矛盾的宗教吧!! 
 
終於把心一橫, 不如索性向創造者祈求吧!(我從來相信人沒有可能不是由創造而生, 因人的本質就是有終結和開始, 而人從來不會逃得掉時間與軀殼這枷鎖, 科學一路經常極力隱瞞這個事實~~科學的矛盾不比宗教少, 只是他們卻極力隱藏所不知道的, 並且將之合理化..他們只是努力的找出上帝創造的公式, 但卻不肯承認!!! 實在令人非常氣憤!!!  聰明如愛因斯坦雖不是基督徒, 卻看得出人的渺小, 知道上帝的存在是必然的.. 所以我可是極不贊同霍金那不知所謂的~時間的形象是球體的理論.. 感覺像是專門針對否定上帝的存在而設的..還是我想得太多了?!) 人怎能在真理的門外尋找真理呢? 當我嘗試踏進這個門裡的時候, 你便會發覺裡邊只有一個"信"字, 縱然基督教受到很多攻擊, 聖經中有很多漏洞..但不努力嘗試去信, 是不可能到那美妙的境地, 沒錯, 我就是先知道有太多不合常理, 科學不能解釋的地方, 但還是選擇了相信的人(我從來就相信"科學"這名詞是局限於人所能發現的地方罷了, 解釋不到只不過是人還未能找出合適的公式出來.. 最可笑的是同一個答案並不會只有一個公式呀.. 但人往往因著自己的能力有限, 便將曾經找到的一條公式變做絕對.. 非常可笑而又悲哀...).
 
算了! 打了這麼多字, 差點把我原本想說的忘了. 其實我是想說當我再重拾<<上帝之死>>這本書後的一些發現:  尼采他爸爸是個牧師..而他小時已立志成為牧師, 並有小牧師之稱呢!! 家族本身有波蘭貴族血統, 但因宗教改革受迫害才移往德國, 亦已漸漸式微! 但亦因為這樣, 他便自小對自己有一種優越感.. 並且更加克己, 他稱之為"貴族的道德".   尼采自小已喜歡音樂.. 希臘文學, 詩與音樂是他一生不變的嗜好, 他有位好友華格納 - 是一位德國歌劇音樂家(後來卻因他其中一套歌劇彌漫著基督教的色彩 - 尼采認為他被同化了, 屈服於權威底下而絕交) 叔本華是影響他最大的人, 有一次他在書局裡看到那不知名的人的一本書<<意志與表象的世界>>, 他記憶當時說: 有不知名的鬼那時對我說, 快回去, 帶了這本書. 而當他一回家便翻開這本書, 並屈服於他有力祟高的天才魔力之下.  很奇怪吧! 這跟奧古斯丁的遭遇很相似呢.. 不同的是, 奧古斯丁當時聽到一把聲音叫他拿起來讀的是一本<<聖經>>.   雖然他受叔本華影響著, 但他對女性其實又極之尊重, 甚至不想被情慾所污染.  一向自負的他, 在29歲那年因出征而得病回來, 注定一生與病魔作戰, 而服藥令他精神衰弱...
 
在我認為, 這樣的人生, 思想亦因此受著影響..從叔本華的批判意味, 引發他所思考前所未有的.. 否定所有權威, 並且他本身便喜歡做一個破壞者給人的一種震撼感...並且在他喜歡悲劇的層面上, 基督教-憐憫的宗教, 那種平安及給人一種弱者的感覺是尼采所不能接受的, 他所看到的現實是悲慘, 醜陋與冷莫的.  他認為基督教是一個騙局, 以軟弱的方式去欺騙自己, 懶散的和平, 怯懦的讓步...認為世界是美好的. 並說是被教士所利用, 作為政治的手段.  當然我並不否認在當時社會很多時瀰著這個氣氛, 以至仔有這種反權威的思想...
 
待續.. 
 

(繼續閱讀...)

Lam cat 發表在 痞客邦 留言(0) 人氣()

又再打完一篇LA...喺我打完呢篇嘢嘅時候, 我已經去完使命營, 並且過埋生日, 而且又俾人偷咗部手機tim.. 我有好多嘢要打又趕唔切.. 點算ar.. 好多嘢要記低ar, 要幫人記埋嘛. 我會盡快打的.. 不過真係激死我la.. 我原本好放心我去植樹日d相已經過晒機.. 但點知原來唔係嫁~~ 簡直係晴天霹靂>_<, 原來最重要嗰張相~~就係我哋親手植嗰棵樹苗(我個仔)竟然漏咗過機... 點會咁嫁??  不過我係唔會就咁罷休嘅, 我要憑我嘅記憶畫番出嚟..哼.. 好彩我清楚記得.. 棵樹重印喺我個腦度. 不過遲d就唔咁包la.. 好多嘢未做ar..記得提我畫返出嚟ar... 
 
6月24日當天 -   極奇猛烈
wow.. wow.. 今天風和日麗, 正直係呢個植樹日嘅最好時機. 原定兩個禮拜前因天氣關係而改期嘅植樹日, 今日終於可以起行了!!  今日一早起身(其實都不算早了, 起身時已是9:30am), 預備少少嘢, 就可以出發la..嘻嘻..基本上我唔使帶嘢乜滯, 因為ar q俾咗個爛gap我估, 話如果我估到就會幫我預備晒d嘢咁話. 而我當然好聰明咁答啱咗la, 實在多得有咁好嘅弟兄, 我先可以咁輕鬆出門口咋!  
 
因為我非常準時嘅關係..返祟拜時只可以自己一個人坐, 而且d cell員都以為我一早就去咗植樹tim! 其實我係返完第二堂祟拜,12:50pm先至集合上車.原本打算買三文治去當午餐食, 去到先發覺間舖已經執咗la!! 點會咁嫁??  我唔夠時間去第二度買la, 我重應承人哋幫佢賣埋tim!! 於是我就飛奔想去地鐵站附近, 起碼都買個包食吓去應付一陣間嘅勞動工作吖. 行到去地鐵站附近, 又竟然撞啱ar q去買完水返嚟, 我見到街市度好似有大排檔, 想走去睇吓la. 點知都係冇嘅.. 最終就去咗ok買咗個難食嘅包喺車上面食...
 
我哋去到永光嘅停車場, 有太多人啦,都唔知邊d係綠色佈道隊嘅人, 好彩咁啱有個綠隊嘅弟兄打俾我..原來佢就喺我隔離咋!  好彩我哋冇遲到啫.  重記得幫我哋點名嗰個人見到我個名以為我係男仔呢!! 佢哋重以為我同ar q係西栽tim!!  我哋因為單獨兩個人去參加, 就group咗入人哋嗰組度, 我個組個領隊叫ar 發, (原來之前係大衛團, 所以ar q識得ga)
 
我哋分咗兩架車, 我哋同ar Joe 嗰隊坐細車, 其他人就坐大車.. 差不多上車時發覺原來"男為"同佢嘅cell員都有參加呢! 不過我哋就唔同車.   我哋53分上到車, 擾攘咗一陣就開車啦!!  我哋嘅行程就係咁嘅: 首先要坐半個鐘頭車去嘉道里農場, 去到同農場d義工集合再搭車去大帽山, 攞物資後重要再行半句鐘上大帽山嘅植樹位置, 行程預4:30就完嫁la.  我哋坐車去嘉道里農場嘅途中, 有綠隊嘅carmen帶我哋玩問答遊戲. 由於大家過份活躍.. 基本上問題都未講完, d人就已經亂答la. Ar Q當然係其中一個la, 佢哋個個係咁亂嗌, 明明唔係選擇題都係咁AA ,B,C咁答, 攪到全車人情緒高漲, 好攪笑.  不過大家都好落力去答問題,  因為答中有得獎椰果. Ar Q就發揮佢天賦嘅攪笑能力加知識, 攞咗好多戰利品返嚟齊齊食tim, 不過佢就嗌到聲都沙埋!!  問咗好多題題目之後, 基本上可以醫肚. 而且人人有獎.  問完問題嘅當時, 架車都到咗嘉道里農場了!
 
哇! 當日陽光非常咁猛烈, 不過好彩有風吹咋!  感謝主賜呢個好天氣俾我哋. 我哋喺集合地點時大家都即刻戴帽, 搽防晒, 蚊怕水等等. Ar Q都好細心咁幫我帶備蚊怕水, 仲幫我噴埋tim.  另外佢重帶備咗毛巾, 各人1支1.5公升嘅水(好重ga >_<)同埋一袋車厘子ar... 真係非常感動有咁照顧周全嘅弟兄(放心吧! 我一定會hard sell 你出去的..你絕對有市場呢!!)  綠隊d人叫我哋要去定toilet先, 因為上到去就全程冇地方去ga la!!
 
好! 我哋全部有6個team, 分好邊個義工帶邊兩team人就坐車出發... 個義工都係基督徙嚟, 不過佢主要負責濕地公園嘅, 平日就做呢d外邊嘅義工, 真係有意義呢!! 沿途佢一路講解我哋一陣間要做嘅嘢, 點樣植樹呀, 有d乜嘢小動物同埋要預備d咩工具咁..... 聽佢講就已經驚驚哋, 因為佢話每人要孭10個樹苗, d樹苗大概由地到大脾咁高!!!  (oh no, 我冇聽錯ma...點解會咁ga.. 我哋真係可以做得到嗎??  Ar Q重要負磅3公升ar.. )
 
架車終於去到大帽山la.. 一落到車, 我哋就要去攞樹苗同工具.. 並要攞d袋去裝住d樹苗, 但係有d女仔就唔敢攞, 因為嗰度有d小昆蟲喺d袋上面, 不過我一向對D昆蟲都好有興趣, 所以都冇乜所謂.. 嚟得大自然都預咗ga la, 而個義工就覺得我哋太驕生慣養, 佢話佢第一次去植樹嘅時候, 棵樹苗係佢個人嘅高度咁高, 我哋嗰d濕濕碎咋.   而Ar Q又發揮佢男仕嘅風度, 搶先去幫我攞袋去裝住D樹苗, 我哋只係分派到3棵咋, 唔知點解會咁少...可能我哋人太多la!  之後ar q 又幫全部人攞咗一袋鏟仔, 我見佢要拎咁多嘢, 就幫佢攞咗袋樹苗, 希望可以幫輕吓佢la~~ 反而我哋嘅隊長ar 發就兩手空空, 淨係攞住長地圖紙..(我心諗, 你幫吓其他女仔都好吖!!)   好嘞, 終於到重頭戲..凳凳...就係鋤頭嘞... 個義工話最好由男仔拎上山, 於是所有男士就每人一個鋤頭, 有d重拎兩個tim, d鋤頭好重ga >~<).
 
我見ar q要攞咁多嘢, 重有孭袋裡邊2枝水先甘ar, 我諗住同佢交換袋鋤仔孭(因為我覺得袋樹苗唔係好重, 希望佢唔使咁辛苦la.. 不過佢話差唔多, 所以唔使交換喎....   但係當我落山嘅時候先知呢個係~~大話嚟ga, 又俾佢呃咗啦!!)  好la.. 依家萬事俱備, 終於可以上山lu.. 唔知點解條路邊有好多野生嘅繡球花, 有藍色la, 粉紅色...不過條山路好窄, 只可以一個人行, 我哋就一個跟一個咁行上去嘞.  起初段路都幾易行嫁(我就更加la, 因為拎咁少嘢), 但係當行咗大約10分鐘之後, 就開始有一連串嘅梯級la.  而且當時天氣又熱, 太陽又超猛的. 我見ar Q行得都幾辛苦吓, 重不時要停底抖抖.  我見佢咁辛苦咁, 諗住叫佢俾我拎一陣la, 但係佢死都話唔辛苦, 重叫我行先唔使等佢咁話.. 不過d咁冇人性嘅嘢我又點會做得出吖.  沿途我都好幾次問佢使唔使我幫手.. 點知佢大男人嘅性格就出嚟la, 佢話就算辛苦極都唔話辛苦la, 要個女仔幫手顏面何存咁話..(ar Q, 你使唔使咁誇呀, 係人都會攰la, 後面d女仔聽到你咁講喺度笑你呀!!!)   好la, 差不多上到山頂了.. wow... 沿途風景勁靚..加上我嘅心情都係勁靚..哈哈哈..  愈上得高d風景又更加正tim, 我不時攞部手機出嚟拍低d風景同ar Q艱辛嘅上山路程, (真係辛苦過行苦路呀! ar Q佢) 我唯有將佢影得man d補數la.
 
好啦...終於行到去我哋要植樹嘅斜坡嘞, 去到呢個地步, 根本唔可以話係路咁濟... 我哋見到個山頭得d草同埋一d先前d人植嘅樹苗. 我哋行得要好小心, 一來因為d山路好難行, 一不小心就會跣低ga la. 二來我哋要睇住唔好踩到之前d人辛苦植嘅樹苗嘛.  個義公開始教我哋點用個鋤頭同要除咗d雜草, 要點鋤d石頭出嚟la, 個窿要幾深, 之後又點樣填實個窿等等..  好嘞, 講多無謂, 我等ar Q抖完之後就去搵個適合嘅位置去植樹, 其實呢個都有一定嘅難度ga, 太斜又驚好難窟, 又要避開d石頭位, 重要同其他樹苗相距1米度.  皇天不負有心人..我哋終於搵度嘞.  Ar Q就開始鋤地嘞.. 好少可見佢咁勞力同做D咁man嘅嘢, 我不時都有稱讚佢, 鼓勵佢.. 而佢又發揮天生嘅吹水功, 係咁嗌我做"MASTER" (你知唔知咁樣好傻GA, D人以為我虐待你AR!!!)  AR Q係咁叫我坐喺度唔好郁, 等佢搞掂... 我又點會咁吖, 咁難得上到嚟, 點可以袖手旁觀嫁!  幾經艱苦, 佢終於窟好個窿嘞, 我就負責除草LA, 同用手挖D石頭出嚟... 最搞笑係AR Q話我隻手戴咗對白色嘅勞工手套喺度挖泥好似隻貓手咁AR..都幾似..好搞笑  除完草之後就要整開個樹膽D膠袋,將佢入土為安嘞, 不過放落去之前要加D雜草喺底, 個樹苗要成90度直角並且要喺上面落少許肥料..(不過我哋初時唔知, 落咗差唔多半包咁濟..我諗唔驚卦.. 我哋重講笑話可能我哋棵樹生長速度比人哋嗰D快好多TIM..希望真係咁LA) 好啦, 最後嘅步驟就係用先前挖出嚟嘅泥土埋實個樹根, AR Q辛苦拎上嚟嘅鏟仔終於派得上用埸LA, 我哋就用鏟仔將D泥土拍實佢...真係令人感動嘅時刻呀......我哋終於有一棵自己親手種嘅樹喺山頭度LA..(我重影低咗TIM) 總算出過一點綿力...而且當你喺屋企望落個山頭度, 你就會好開心LA, 因為你曾經喺某一個山頭度種過一棵樹呢!! 係咪好熟呢...概念來自"小王子"一書..嘻嘻...
 
好LU, 完成咗一個我哋就抖一抖, AR Q不忙遞上水同毛巾, 實在細心非常..重攞咗袋車厘子出嚟TIM, 我哋就趁呢段休息時間, 喺度一路食車厘子一路將D核埋落D土裡邊, 希望遲D佢地可以茁壯成長.. 諗起都好搞笑, 如果個山頭度無端端有D車厘子樹嘅話.. 不過我都知呢個幾會係超級渺茫....
好嘞, 休息咗一陣, 我哋又開始勞力嘅工作LA.. 我都好想試下用鋤頭, 不過我連舉起都有難度...而AR Q就係咁叫我唔好, 話好危險. 最後我哋都搵咗個地方, 由佢開始鑿窿. 今次個地方重斜過之前嗰個AR, 我都好擔心AR Q會跣咗落山呢!  感謝神, 我哋個個都好平安呢!!  有第一次嘅經驗, 我哋今次好快手就搞掂咗la.. 我哋只係植咗兩棵咋, 因為第三棵俾咗其他人.  我哋見d嘢都做晒, 就係度睇吓其他人植成點.. 見到隊長ar 發係咁鑿窿跟住唔知去咗邊豎..d嘢重亂咁放tim!! 我哋有見到有個女仔長期擔住把遮企喺度, 過程完全冇參與過..我心諗: 吓, 咁辛苦上到山喺度睇風景?? 好浪費啫!!  再望去隔離個山頭..見到第2team嘅人, 重見到有個女仔用鋤頭鑿窿tim ar, 好厲害!!!   又望去另一邊... 我見到"男為"同緊一個妙齡少女傾緊計...男為.. 莫非嗰個就係你嘅新目標, 落山時一定要問吓佢先.
 
個義工話帶上嚟嘅樹苗唔可以攞走, 一定要種晒佢咁話.. 我都覺得啱GA WOW, 咁難得先上嚟1次, 又咁辛苦帶上嚟, 冇理由攞返落山啫....  不過話雖如此, 仍然有D人非常不情願想放棄.. 最後佢哋當然合力種咗佢LA!!       好嘞, 植咗咁耐都差唔多係時候落山LU, 我哋齊齊執拾細軟同拎上嚟嘅嘢全部攞走. OH~~終於要離開呢個咁值得回憶嘅地方lu, 真係要望多兩眼..要記低棵樹嘅位置, 希望可以得閒去探吓佢(雖然我知道呢個機會微到不得了.......~~再見la, 樹苗仔, 你要怏高長大ar...)
 
好, 我哋開始落山la, 由於放低咗d樹苗嘅關係, 我都落得好輕鬆吓....但係ar Q就都係要拎住個重鋤頭落山, 不過我支水就飲晒LU, 應該都減輕唔少.  我哋好快咁落到去有旅遊巴接我哋嘅位置, 然後大家就九秒九的放低D工具並且以最快嘅速度竄上車嘆冷氣. 我哋等人數齊晒就開車接我哋返嘉道理農場嘞.. 沿途個義工喺度講話d樹苗係由d驢仔辛苦咁運上嚟嫁, 而其中有個建築物係d驢仔住, 裡面重有冷氣tim... 佢話因為d驢仔平時咁辛苦, 所以都要俾番個好d嘅家佢哋喎... 而且個義工仲話昂坪360嗰d吊纜都係要由d驢仔揹上去ga, 因為人唔可以去到, 真係要向d驢仔致敬呀... 好多謝你哋嘅勞苦啊!!!
 
好la, 終於到咗目的地.. 我哋大家落車等集合, 大家都喺呢個時間買吓嘢飲去吓washroom咁囉, 仲見到"男為"就打探吓佢嘅近況同豔遇la..hee hee..  見佢喺大專佈道隊生活得都開心吓, 真係好ar. 傾完一輪之後, 終於人齊可以集合lu, 我哋就喺咁接近大自然嘅地方回想神所賜俾人類嘅一花一草, 一樹一木, 藍天白雲同清新嘅空氣..一邊重覆唱著呢首我好鍾意嘅詩歌: 天空的壯麗, 太陽的光輝~~.. 月亮與星宿相映多美麗; 碧海的寬廣, 山峰的氣勢, 這正是你創造的智慧......  全地萬民皆跪拜, 來頌讚你創世的偉大, 是你將最美裝飾給世間穿~戴, 以權能拱托宇宙和諧~  全地萬民皆跪拜,  凡有氣息的皆俯伏敬拜,  願讀歌可天天隨風舞~擺, 響徹整個世界.  無錯la, 就係呢首咁好聽嘅歌"全地同來歌唱", 一邊唱著, 一邊感受微風伴著結他聱, 感覺著實好幸福啊  每次唱親就會不其然好開心ga la, 實在好想將多有一天全地萬民覺醒袮一路為人所預備, 咁美好嘅天地, 並一同讚美.. 我想父神應該會很高興呢!!   另外我哋仲唱咗一首歌, 不過唔係好記得係唔係"全能的上帝"呢一首.. 真係好遺憾...
我哋唱完首歌祈完禱就影大合照留念嘞..終於真係要散la..希望可以下次再嚟過啦!!  我哋就分咗兩架旅遊巴, 一架返永光, 一架就去沙田.  我同ar Q就一齊返永光轉車返屋企.. AR Q喺旅遊巴度又係一貫嘅作風, 話下半身好似唔屬於自己咁.. 不過今日實在真係辛苦你LA..萬分感謝AR >_<.  不過縱然佢好攰, 有個姊妹係咁撩佢講嘢佢都應嘅.. 冇錯LA, 就係嗰個誤以為我叫"朱君僑", 佢叫"林子賢"嘅姊妹. (莫非我個名真係咁似男仔到呢個地步??) 差不多5:45PM我哋就去到永光並解散LU..  

(繼續閱讀...)

Lam cat 發表在 痞客邦 留言(0) 人氣()

16日那天參加了牛奶的婚禮, mic有份獻"尋著你的那天"這詩歌. 其中有一段詞是牛奶自己填的, 是新娘子獻給另一半的心聲, 充滿感激之情...想想牛奶當時用什麼心竟去寫這些詞...她一定是覺得十分幸福了! 眼看著牛奶一邊看著並聽著我們為他們獻詩, 一邊自己唱著,落淚.. 當中的歌詞對她一定有著很大的意義! 連我也眼泛淚光,像是感覺到她找到幸福的那種喜悅. 並用眼神與微笑回應她,祝福她! 牛奶自己填詞的那一段獨唱(由carthine唱), 是獻給游雞的, 可是偏偏新郎卻仍懵然不知, 要到之後mc說出來時才恍然大悟, 發覺自己錯過了!!  反而我卻一邊細味當中的歌詞, 一邊垂下頭來,不敢正眼看牛奶,怕自己會哭出來..那刻確是很令人感動的!!
 
婚禮當中, 看出游雞是個很幽默, 並很會開解另一半的人, 有他伴著, 我想牛奶一定會經常覺得很開心的! 不過亦看得出新娘與新郎所感受到的完全是兩種不同的東西, 我想這就是男和女的分別吧! 下嫁的心情是只有女人才會感受得真切...

---

婚禮當中, 發覺一個很久不見(其實只是覺得很久..)的朋友遲到入場, 錯過獻詩的時間,是被我的壤習慣傳染了..嘻嘻.. 見到很久不見的朋友,感覺很溫暖呢!! 我到最後還留下來執拾場地, 剩下來的除我兩個朋友以外, 其他都是mic的弟兄姊妹..大衛團的人早已走清光了...
 
因為一放工便趕來參加婚禮的關係, 就連午餐也沒時間吃, 一執好場地後便覺得混身無力.. 便和很久不見的朋友到黃埔吃担担麵, 據說是前鑽石山那間出名的担担麵(我曾經到鑽石山食過..很不錯的), 我們叫了改良担担麵及麻辣担担麵, 一個炸曼頭, 小湯包及一個辣味青瓜?? 實在是非常的有驚喜, 當中竟然沒有一樣是可說得上是好味的.. 所有辣味食物一概不辣, 炸曼頭不但不脆,且是硬的,小湯包感覺像是叮叮牌的, 實在差勁!!!  不過仍很感謝一心給我驚喜的好朋友呢...
 
吃完午(晚)餐, 我們還一起逛商場, 還說要為我挑選生日禮物呢! (你未免太周到了, 實在有點受寵若驚卻又非常開心!! ) 真的非常感激你為我做的一切一切!!! 還累你遲到重要的約會! 放心吧! 我一定會努力為你祈禱的!!>~<
 
 
 
 

(繼續閱讀...)

Lam cat 發表在 痞客邦 留言(0) 人氣()

哇! 終於都打完我5月24日嗰日嘅開心旅程, 由於有個傻婆話我經常唔UPDATE, 我依家終於完成LA, 咁多字, 對呢個有長篇大論恐懼症嘅你好咪好驚呢? 哈...哈...哈.... 你唔會有心機睇得晒嫁.... 話說回來, 其實係因為我通常只會喺LUNCH時間先打, 所以至咁耐先完成, 真係好對唔住啦!!  不過嗰日真係好開心呢, 可惜AR Q話唔會再陪我去沙灘了.... 不過仍然很感謝神賜給我這些和我周圍去的好朋友呢!!
 
 好開心呀! 24號那天同Ar Q & Casio 去西貢嘅半月灣. 其實我哋一個禮拜前已經plan定去游水, 點知天有不測風雲, 去之前幾日落大雨, 天文台仲話會持續到禮拜尾. 不過我從來對天文台都抱懷疑態度, 但唔多唔少都有些少唔開心. 我已經喺祈禱簿度叫CK幫我代求, 希望神會答應我依個任性嘅要求啦! 24號嘅前日, Casio 同 Ar Q 已經叫我要預備PLAN B計劃, 我當然非常之唔情願, 仍然堅持那天有機會會好天的.... 但Casio話要好天嘅機會得15% , 聽到佢咁講我就叫佢快d幫手祈禱. 點知第2日起身, 見個天重係有落雨, 但我覺得天氣已經續漸變好. 嘻嘻.. 不出所料, 下午隱約有太陽出啦!! 我已經預備好心情去海灘lu.. 不過仍然要睇下夜晚嘅天氣先得. 到咗夜晚,我心情非常好, 已經準備好去海灘d嘢. 點知Ar  Q 一個電話打嚟, 劈頭第一句就話唔去得~~ 我心諗: Ar Q, 你唔係依個時候先嚟玩嘢嘛!! 但係佢話唔係講笑, 重話隻眼睇唔到嘢, 我當然唔信la, 佢份人成日用誇張法. 不過當佢叫佢個cell員同我講話佢因為踢波時有人搶波, 佢戴嗰副插傷咗隻眼, 出血之如重整爛咗要特別配製嘅400度散光眼鏡. Ar Q 重話我自私, 只故住為天氣祈禱, 無為佢嘅安全祈禱, 重叫我自己同Casio 去添. 唉.. 我心已經沉晒, 於是同Casio商量取消聽日嘅行程, 改做陪Ar Q去配眼鏡. 擾攘咗咁耐, 我同Casio最後終於成功說服佢去西貢度先配好眼鏡後才去半月灣, 佢重叫我整定雞翼添.......
 
  終於到24號啦! 我八點幾起身, 藍天白雲, 根本就係去海灘嘅天氣. 見到咁靚嘅天空, 我就即刻落床準備整雞翼. 點知發覺原來蒜頭用晒, Oh no...要落街買. 我買完返嚟, 都唔夠時間煮, 原本要炆30min, 變到得20min, 炆緊嘅時候已經聞到好大嘅鼓油咮, 我都知道自己重手咗~~我已經盡力諗方法出補救, 可惜為時已晚已. 應該可以當鼓油雞翼食啩?!
我原本約佢哋11:00喺西貢等, 但係架小巴11:00先開, 喺我搭緊小巴嘅途中, Casio突然打俾我話有bad news!!! 我心諗, 唔通Ar Q 又有問題, 莫非佢配唔到眼鏡? 我即刻打俾Ar Q問佢點解唔到. 佢嘅答案係佢連巴士都睇唔到幾號, 上唔到車. 我打俾Casio問點算.. 佢話唯有我哋兩個人去lu! 我當時都諗唔到其他方法, 唯有賴低Ar Q同Casio兩個人游la.. 我當時真係有少少內疚感ga.
 
  落到車,已經見到Casio喺巴士站等緊我, 佢話求其搵間茶餐廳食嘢先去搭船.  行吓行吓...轉角位突然攝出一個人影重拍我膞頭添, 睇清楚先知原來嗰個係Ar Q嚟嘅? 我見到佢當時真係好開心呀, Casio重問我係咪好surpise? 真係好開心呀, 佢哋話因為我遲到, 所以要呃我. Casio已經一早同Ar Q配埋眼鏡tim! 因為我遲到, 所以要請佢哋食lunch la.
 
 
  好嘢! 終於到要搭船去半月灣, 途中Casio不斷發揮佢天生嘅吹水功, 不時亂嗡附近島嶼嘅歷史等等, 好攪笑 ^o^ 
由於Casio由甫上船一刻已經話就到嘅關係, 終於過咗10分鐘, 船已經埋岸啦! 原來個沙灘唔係好大, 不過d水好清, 都幾乾淨吖! 我哋急不及待去換衫, 喺士多租咗兩個locker, 沙灘席都無張, 兩手空空就去咗游水lu. 
 
  可能太耐無去海灘, 覺得d海水真係好鹹, 不過真係好開心, 溫度適中, 重喺海度發現咗好多一條條嘅好似紅樹種子嘅物體. 應該係由好遠嘅地方漂過嚟ga.  我因為自己未試過游出浮台嘅關係, 又唔想兩個男仔要照顧我嘅關係(而且Ar Q唔似可以兼顧到我嘅關係, Casio又游得太快), 所以我就自己喺海邊游lu. 無幾耐佢哋終於返嚟啦! Casio重話喺浮台度發現到d嘢要俾我, 原來就係嗰d周度都有好似紅樹嘅種子.. Casio你好無聊呀, 又想玩我喇! 
喺沙灘度Casio見到個細路喺度挖洞堆沙, 佢又話要挖一個成2mx1m深嘅洞.  我哋見casio咁認真, 於是三個大白痴就一齊合力堆沙嘞. 過程真係非常嚴峻, 一邊要防止海水滲入, 又要防止因為挖得太深而倒塌, 周不時又有海水打埋嚟. 而我終於見到Casio認真嘅一面, 佢重話個水堤邊要有d斜坡, 等d海水打埋嚟嘅時候,可以減低衝力, 仲想喺旁邊加條引水道加添.  而Ar Q就負責攤喺海邊出擋住D海水, 真偉大吖!  幾經艱辛,經過幾次失敗都無放棄嘅我哋終於完成呢個創舉啦!!  Casio為咗貫徹佢嘅作品無論喺工程學同美學都要達至高度水平嘅關係, 就游咗出海去拾咗5條紅樹種子返嚟, 去美化呢個咁偉大嘅三峽工程!! 好厲害! 當我哋三個白痴都為咗完成呢個工程而沾沾自喜嘅同時, 我確實見到後面喺度曬太陽嗰班人喺度偷笑我哋嘅所作所為, 哼!  有時我哋推沙推得太耐, 俾太陽曬到好熱嘅時候, 就出海游吓去散熱降溫(我哋去嘅時候正是烈日當空嘅1:00呀!)
 
當Casio完成咗佢嘅使命無耐, 佢突然間竟然話要清拆?! 重手起刀落, 要向住包圍我嘅城牆用手刀切落去!! 我立刻大喊唔好, 但擋都擋唔切, 已經俾佢切開咗個破口出嚟... 而喺旁邊唔係好做嘢嘅Ar Q竟然重喺度笑, 講什麼"一日建造, 一日拆毀". 你係咪傻ga, 重唔快d幫我手做補救工程?  不過可能Casio見到我咁賣力去補救嘅時候, 佢又發揮天賦又豐富嘅想像力, 話要做一條大老山隧道. 佢就揾咗幾塊合適又較大嘅石頭去做隧道口, 並用紅樹種子去當鋼根作支撐, 然後再喺上面覆蓋厚厚嘅沙 (佢話唔可以俾人睇到呢個工程嘅秘密), 於是乎一條大老山隧道就真係出咗嚟啦! 喺外觀上真係好似呢!  做完呢個工程之後, 我哋又走出去游水lu.. 佢哋再一次游出浮台, 我就自己喺度游, 不過太多人坐浮床,真係好有阻礙! 我真到有個鬼佬抱住一個好細個, 唔知識唔識爬嘅bb喺度俾佢練習游水. 個bb一d都唔驚, 重好開心喺度撥吓手仔同腳仔, 好可愛吖! 我自己游到悶悶地, 又咁耐唔見佢哋返嚟, 就打算沿住d浮波游出去. 不過我最後都打消咗呢個念頭, 我驚萬一有咩事, 就連累到佢哋俾人狂嘔, 同我可能以後都唔使旨意同朋友去沙灘lu.
 
 游吓游吓, 見到有個傻老瞇住眼喺沙灘周圍望, 原來係Ar Q喺度搵我.. 我初頭諗住避開佢嘅視線, 又諗住佢無帶眼鏡應該見我唔到, 但估唔到佢竟然揾到我, 重話揾咗我好耐tim! 我都唔知佢哋原來已經返埋岸.  未上到岸, 已經見到有個傻佬攤咗喺度, Casio已經將原先嘅大老山隧道拆咗, 改咗做一個皇座, 用嚟搭住個頭同手, 坐咗喺中間曬太陽添! 佢重叫我哋用D沙堆住佢, 話好舒服, 重問我試唔試. 我不虞有詐拒絕咗, 我覺得以佢性格, 係想玩我嘅. (佢已經試過叫我望吓一個佢搭返嚟嘅玻璃樽, 叫我睇吓裡面有D乜, 然後就潑D水去我塊面度!哼) 我同ar Q就係咁將D沙堆落佢個身同手度. Ar Q仲叫我堆實D同高D, 等Casio唔好出嚟, 我堆緊嘅時候又用d海水淋落佢塊面度, 佢係咁哎唔好呢! 嘻, 仲報唔到仇?! 當Casio 正喺度享受緊我哋為佢整嘅床舖時候, 有個細路女喺後面喊緊. 皇上就問何以會有女子哭聲, 並叫我去察看所為何事?(他是看電視劇"封神榜"看上腦了!) 當Ar Q叫我疊高D, 唔俾佢起身嘅時候, casio就破洞而出. 然後我哋就開始玩掟沙, 我哋大家喺度互掟, 好似小朋友咁. 佢哋經常圍攻我, 不過我都不甘示弱, 避得到好多次攻擊, 但係都不能幸免全身都係沙嘅遭遇, 好彩我都掟返casio一頭都係沙啫! 有時佢掟完我之後就走入水裡面, 等我整唔到佢, 佢又游得鬼咁快! 激死人! Ar Q又喺度亂咁掟, 做D濕碎又密集嘅攻勢..... 嗰陣時都差不多4:00 LU! 佢哋兩個大白痴重喺度玩俾海水沖上岸嘅遊戲, 重扮遇到海難嘅人喺度大嗌"HELP", 真係笑死我..兩個白痴仔.....  
 
我同ar Q都曬到黑咗同紅咗, 但阿Casio竟然一d都無反應, 重係白雪雪的 (呀, casio個手臂底同個肋旁有三粒圓點狀嘅紅色汗斑, 佢話係聖痕嚟ga, 好白痴!) 我哋見casio一d都冇黑到, 同埋見到佢d聖痕, 就攞起d沙同佢做marsage, 希望可以捽走佢, 同埋捽紅佢個身, 等佢易曬d, 雖然佢喺度哎好痛, 但我哋為咗佢好, 都大大力的幫佢繼續捽! 見佢冇反抗, 可能都幾舒服.
 
整整吓都差唔多時間要去碼頭釣魚, 我哋就拿拿臨去沖身同換衫, 不過因為我哋之前掟沙掟得太興起, 頭上面D沙都沖唔走, 要返到屋企先沖得淨. 之後佢哋就去食我整嘅雞翼. 一攞出嚟, D色都已經變咗LA, 又唔熱, 我心諗唔知重食唔食得tim? 當我正在擔心會唔會太鹹嘅時候, 佢哋竟然話只有雞翼味?? 吓, 莫非我用d可樂沖得太淡?! 不過我諗最大可能係唔入味, 炆得唔夠耐, 真係好對唔住各位期待食我d雞翼嘅你哋! 不過我就唔係好想食, 因為出門口嘅時候已經食咗3隻la! 不過見到佢哋都仍然食咗好多, 我真係好感動!!!最後我都食咗2隻!
 
終於去到碼頭預備釣魚lu, Q買咗D魚牌同紅蟲, 佢重教我哋穿魚勾tim... 開始無幾耐, 喺我身旁嘅casio發現近石位置有隻蟹, 佢喺度引隻蟹上釣, 不過礙於技術問題, 佢始終都釣唔到隻蟹上嚟. 算啦, 唯有我出手啦! 講都唔信, 唔使1分鐘就釣咗隻蟹上嚟, 仲要條紅蟲依然健在, 著實無難度..哈哈哈... 身旁嘅casio依然未有斬獲, 我見到佢咁樣真係無能為力...  我隻蟹亦因為無盒載嘅關係, 要放返佢出大海了! 那邊箱, Ar Q已經無聲無色咁釣咗條魚毛上嚟LU (P.S.並無任何踩人成份, 我們所買的魚勾是釣魚毛的!!) 諗諗吓其實都幾無聊, 釣完上嚟相都無影就丟返落海...  我就經常以為有魚上釣, 但係原來係D好細嘅魚仔係咁"端", 喺度餵魚...不過都有釣到一條魚仔, 但差唔多上到嚟就趺咗落海lu. Ar Q就係咁勾到魚仔, 我話要影相, 佢就將條魚同D紅蟲放埋一齊, 點知條魚因為染咗紅蟲D血, 變到紅咗, 又無水.. 我就覺得佢好可憐, 於是放佢走la!  無幾耐, 我又釣到隻蟹啦! (又係你?) 大小同第一隻差唔多. 都唔知係咪同一隻嚟? 我一釣到上岸, 佢就係咁揾地方走, 我即刻好敏捷咁用隻腳踩住.... 哈..哈...哈... 想逃出我嘅魔掌, 無咁易!! 我踩住隻蟹唔知點算好嘅時候.. ar Q 叫我放腳, 佢話佢捉得住. 佢咁講, 我當然信LA.. 點知一放腳... 隻蟹就咁番返屋企啦  我一次相都無影到呀!!!
 
釣釣吓, 都差唔多時候要走LA, 如果最尾一班船走咗就要等聽日先返到屋企, 我哋就執埋D嘢喺碼頭度等. 終於要上船離開呢個咁靚又帶俾我咁多歡樂嘅沙灘LA, 依家先有時間攞部手機出嚟影相... 而AR Q竟然話好攰而唔肯同我影...好傷心呀, 咁難得先至可以一齊去海灘! 不過佢個樣真係好攰呢! 我都有幫佢拍MOVIE, 但好似放唔到上嚟?? 終於返到上岸LA, AR Q話佢下半身好似唔屬於自己.. (咁誇張? 我重要七點幾去油塘同CELL員打羽毛波喎!)
 
因為重未夠鐘嘅關係, 我哋就去補充吓體力LA. 喺西貢度食D小食同我好鍾意嘅雪糕TIM.. 第一次食豆腐味軟雪糕, 同呍呢拿味差唔多, 不過就無咁香. OK LA. 我哋重去咗一個公園度坐吓, 休息同傾吓計!  不過唔知點解, 平時好容易俾蚊咬嘅我同ar Q竟然無俾蚊咬, 我哋正在覺得好神奇嘅時候, 先發覺原來所有嘅蚊都集結喺CASIO嘅頭頂盤旋, 埸面都幾駭人..  而且D蚊重撥極都唔走TIM... 真係神奇, "烏蠅"就話啫...??  我哋傾傾吓, 我掛住同CASIO講嘢, 以致Ar Q想講嘢嘅時候, 佢都插唔到咀... 佢重發難話我哋唔尊重佢, 然後就黎手攞起我樽水係咁扑我個頭, 一路鬧我無聽佢講嘢一路扑. 我已經掩住個頭係咁嗌唔好,(我知錯LA, 你使唔使咁呀! >~< ) 但CASIO重衰到喺度係咁笑...(有冇搞錯呀, 又唔係我一個自己衰, 你又唔打CASIO!!哼!)  不過到最後, 我哋都不敵D蚊嘅騷擾(其實受騷擾得CASIO一個..), 決定離開公園去搭小巴走LU,  上到小巴, AR Q簡直好似癱咗咁, 聲又唔多出無里心機喺度休息. 我都廢事同CASIO講咁多嘢嘈住佢.  我都唔係好記得喺邊度一齊落車, 自後就轉地鐵各自走LU...
 
而我呢, 就要去藍田地鐵站出, 再轉的士去廣田同CELL員打羽毛球, 我去到只剩番15MINS可以打波, 因為已經係8:45PM了, 不過我都有打2場, 一埸拍住老虎仔, 一埸就拍CK, 拍住CK嘅時候基本上唔使走動咁濟,因為佢身形已經殺晒, 夠高嘛. 當中出席嘅成員有小琳, 梓俊, JACKIE, HEDDY, CK, TIGER AND ME.  跟住我哋就去咗平田食飯, 係一間台灣嘢, 食物都OK啦! 不過老虎仔就話唔食, 因為佢話要考數學, 要返屋企溫書.  但最後佢都有食小小嘢, 而我哋亦好認真咁希望可以喺數學嘅題目上幫到佢手.. 我哋都相信"三個臭皮匠, 係可以湊成一個諸葛亮"嘅, 大家你一言我一語去盡量用自己僅存嘅記憶, 去幫助老虎仔解答難題. 當然到最後, 我哋幫到嘅可以話係少到唔係好覺, 但見到大家都出於真心相助, 真的好開心呢. 不過最令我深刻記得嘅係間餐廳嘅買一送一嘅嘢飲真的是差勁!!!!  當我哋發覺大家杯嘢都好似未郁過(除我那杯以外, 雖然好似飲士多啤梨味嘅JELLY水咁, 但係我都飲晒佢), 大家就開始互試其他人嘅飲品, 睇吓邊個杯嘢難飲D, 就係咁, 我哋就試到人哋收舖都唔肯走.  返到屋企都差唔多12:00了!

 
 

 

 

(繼續閱讀...)

Lam cat 發表在 痞客邦 留言(0) 人氣()

Lam cat 發表在 痞客邦 留言(0) 人氣()